Ҳуқуқларимиз ҳимоячиси
“Соғлом она ва бола” аёллар ва ёшлар марказининг “Оила маданияти – юрт тинчлиги” мавзуидаги “Салоҳият” кўчма клубининг навбатдаги тадбири пойтахтимизнинг Юнусобод туманидаги “Боғишамол” маҳалласида бўлиб ўтди. Давра суҳбати “Билим” кутубхонаси, “Камалак” нашриёти билан ҳамкорликда ўтказилди.
Тадбирда сўзга чиққанлар Бош Қомусимиз юртимизнинг бугуни ва келажагининг ифодаси эканлигини таъкидлаб, асосий қонунимизнинг мазмун-моҳиятини шарҳлаб бердилар. Шунингдек, Ўзбекистон Республикаси Конституцияси ва қонунлари асосида “Ўз ҳуқуқингизни биласизми?” мавзуида тайёрланган саволномалар асосида жонли мулоқот ўтказилди.
