Kitobxonlik: harbiylar o‘zaro fikr almashishdi
Poytaxtimizning Chilonzor tumanidagi harbiy qismda kitobxonlikning ahamiyatiga bag‘ishlangan davra suhbati bo‘lib o‘tdi.
Tadbirda Ma’naviyat-targ‘ibot markazi Chilonzor bo‘limi rahbari v. v. b. N. Abdullayeva, O‘zbekiston Milliy kutubxonasi bosh muharriri, shoir Shukur Qurbon, Muqimiy nomidagi musiqali drama teatri adabiy emakdoshi, shoir To‘ra Mirzo hamda harbiy qism xodimlari ishtirok etdi.
Kechada O‘zbekiston Respublikasi Prezidenti Shavkat Mirziyoevning “Buyuk kelajakni mard va olijanob xalqimiz bilan birga quramiz” nomli kitobi mazmuni to‘g‘risida o‘zaro fikr almashildi. Shuningdek, yurtimizda olib borilayotgan izchil islohotlar, har bir fuqaroning manfaatlarini inobatga olgan holda yuritilayotgan odil siyosat, ma’naviy taraqqiy etish uchun yaratilayotgan sharoitlar to‘g‘risida so‘z yuritildi.
B. RAHMATOV
