Rekord palov uchun 2,5 tonna sabzini 6 soatda to‘g‘rab bo‘lishdi
Bugun, 8 sentyabr kuni Toshkentda “O‘zbegim” festivali doirasida pishiriladigan 8 tonnalik osh uchun qariyb 2,5 tonna sabzi to‘g‘rab bo‘lindi. Bu haqda Facebook’dagi “Vkusniy Uzbekistan” sahifasida ma’lum qilishdi.
“Rekord arafasida O‘zbekiston oshpazlar uyushmasida mamlakatning turli hududlaridan kelgan taniqli usta oshpazlar ham, shogirdlar ham yig‘ilib, atigi olti soatda qariyb 2,5 tonna sabzini to‘g‘rab tashladi. Havaskorlarga ham sabzi to‘g‘rarda qatnashishga ruxsat berishdi”, — deb yozdi post muallifi.
