Ko‘rish qobiliyati bilan bog‘liq muammolar aqli zaiflik xavfini oshiradi
Stenford universiteti olimlari ikkita tadqiqot ma’lumotlarini tahlil qilishdi. Biriinchi tadqiqotda 60 va undan kattaroq yoshdagi 2975 nafar odam, ikkinchisida yoshi 65 dan yuqori bo‘lgan 30202 nafar odam qatnashdi. Tekshiruvlar orqali ko‘rish qobiliyati muammolari bilan bilish qobiliyatining zaiflashishi o‘rtasida bog‘liqliklar mavjudligi aniqlandi, deb yozadi The Daily Mail nashri.
Mutaxassislar natijalarga ta’sir qilishi mumkin bo‘lgan omillarni o‘rgandi. Ular hozircha o‘zaro bog‘liqlikka nima sabab bo‘lishini bila olgani yo‘q. Harvard universitetida o‘tkazilgan boshqa bir tadqiqot uyqu buzilishiga sabab bo‘luvchi nafas olishning izdan chiqishi ham aqli zaiflikka sabab bo‘lishi mumkinligini ko‘rsatgandi.
Mirjalol Madvaliyev tayyorladi.
