O‘zbekistonda yangi vazirlik tashkil etiladi
Prezident Shavkat Mirziyoev 16 avgust kuni bo‘lib o‘tgan uchrashuvda maktabgacha ta’lim tizimini isloh qilishdagi kamchiliklarni ochib, xalq ta’limi tizimidan maktabgacha ta’lim tizimini alohida vazirlik sifatida ajratib chiqish kerakligi, ya’ni, Maktabgacha ta’lim vazirligini tashkil etish kerakligi, respublikadagi 5 mingta bog‘chalarni rivojlantirish lozimligi masalasini qo‘ygan, – deydi O‘zbekiston Xalq ta’limi vaziri Ulug‘bek Inoyatovning kun.uz tahririyat bilan o‘tkazilgan ochiq muloqotda.
“OAVda ta’lim tizimida 2 ta vazirlik kimga kerak, degan savol tug‘ilgan edi. Bizning boshqaruv tuzilmamizdan olib ko‘radigan bo‘lsa, Xalq ta’lim vazirligi – bu juda keng ko‘lamga ega vazirlik. Tizimda 775 ming xodim faoliyat yuritadi. Bu tizimni boshqarishni mushkulligini barcha ko‘z oldiga keltira olsa kerak. Ana shu nuqtai nazardan prezidentimiz bu alohida vazirlik bo‘lishi kerak, maktabga ta’lim tizimi uchun alohida e’tibor qaratishimiz lozim, degan masalani qo‘ydilar”, – deydi vazir.
Uning aytishicha, Prezident bilan bo‘lib o‘tgan uchrashuvda maktabning yangi o‘quv yiliga tayyorligi tanqidiy tahlil qilingan. Qayd etilishicha, bu yildan boshlab maktabning 10-sinflarida ta’lim yana davom ettiriladi. Bu yil respublika bo‘ylab 9-sinflarni 467 ming o‘quvchi bitirib chiqqan bo‘lib, ulardan 352 ming nafari 10-sinflarda o‘qishni davom ettirish istagini bildirgan.
