Янги технология эрта қаришнинг олдини олишда ёрдам беради

Хьюстон илмий текширув институти ходимлари ҳужайраларнинг қариш жараёнини орқага сурувчи технологияни ишлаб чиқди. Олимлар организмнинг эрта қариши билан ҳарактерланадиган прогерия касаллигига қарши дори устида иш олиб борди. Прогерияга йўлиққан болалар 13–15 ёшларида инсулт ва инфарктдан вафот этади, деб ёзади The Daily Mail нашри.

Тадқиқотчилар хромосомаларнинг ҳимоя элементи – теломерларга эътибор қаратди. Уларнинг узунлиги қариган сари кичрайиб боради. Прогерияга учраган болаларда теломерлар қисқарган бўлади. Олимлар теломерлар узунлигининг тикланиши ҳужайра фаолиятига, унинг стрессни йўқотиш хусусиятига ижобий таъсир кўрсатишини аниқлади.

Мутахассислар РНК-терапиясини қўллаб кўрди. Теломерлар узунлигини тиклаш хусусиятига эга бўлган ферментларни ишлаб чиқарувчи РНК ҳужайра таркибига киритилди. Ушбу фермент мавжудлиги туфайли бир неча кун ичида ҳужайралар фаолияти сезиларли даражада яхшиланди. Бундан ташқари, ҳужайраларнинг умри узайганлиги ҳам маълум бўлди.

Миржалол Мадвалиев тайёрлади.

Яна ўқинг:  Қуритилган олхўри саратон хасталигига қарши кураш воситасидир

Читайте также:

Добавить комментарий

Ваш адрес email не будет опубликован. Обязательные поля помечены *

Сообщить об опечатке

Текст, который будет отправлен нашим редакторам: