O‘zbek olimlari surunkali bosh miya ishemiyasini davolash usulini ixtiro qilishdi
Yaqutxon Majidova va Durdona Usmonova yoshi katta va keksa insonlarda gipertonik genezga ega bo‘lgan surunkali bosh miya ishemiyasini davolashning sodda, tejamkor usulini yaratishdi. Bu haqda O‘zbekiston intellektual mulk agentligi xabar bermoqda.
Ular gipertonik dissirkulyator ensefalopatiyada surunkali bosh miya ishemiyasini davolash usulini taklif qilishgan. Ushbu usul qonning reologik xususiyatlari, mikrotsirkulyasiyasi, venadan qochishini normallashtiradigan, antioksidant, angioprotektiv, neyroprotektiv va neyrotrofik ta’sir ko‘rsatadigan vositalarni yuborishni o‘z ichiga oladi.
Olimlarga ushbu ixtirolari uchun patent berildi.
