Krossvord yechish miya faolligini oshiradi
Krossvord yechish sinchkovlikni oshiradi, fikrlash qobiliyati va xotirani yaxshilaydi, deb xabar beradi The Daily Mail nashri. Ekseter universiteti va London kolleji olimlarining fikricha, krossvord miya qarishini 10 yilgacha to‘xtatishi mumkin.
Mutaxassislar 17000 dan ziyod odamning ma’lumotlarini tahlil qilib chiqdi va krossvord yechish bilan to‘qqizta aqliy topshiriq o‘rtasida bevosita bog‘liqlik borligini aniqladi. Bu topshiriqlar diqqat-e’tibor, xotira hamda fikrlash qobiliyatini sinovdan o‘tkazadi. Inson qancha tez va ko‘p krossvord yechib tursa, uning aqliy rivojlanishi shunchalik yaxshi bo‘ladi.
Ilgari Sidney universiteti olimlari ham miyani mashq qildirish keksalar uchun, hatto Parkinson kasalligiga (asosan o‘rta yosh va keksalarda uchraydigan, muskullar bukilmasligi, sust harakat, qaltirash kabi belgilar bilan xarakterlanadigan kasallik) yo‘liqqanlar uchun foydali ekanini isbotlagan edi. Mutaxassislar zamonaviy dasturlar (mobil boshqotirmalar) miyani mashq qildirishda yordam bermasligini takidlaydi.
Mirjalol Madvaliyev tayyorladi.
