Jigarni “ezuvchi” kundalik 9 ta zararli odat, uni tozalovchi 11 mahsulot
O‘rtacha 1.4 kg tosh bosuvchi jigar tanada kattaligi jihatidan 2 o‘rinda turadigan muhim a’zo. Bu jihatdan teri birinchi o‘rinni egallaydi. Jigar organizmning “biokimyoviy laboratoriya”si bo‘lib, tanada hazm qilish, moddalar almashinuvi, immunitetni ta’minlash, tanada oziq moddalarni saqlash kabi muhim vazifalarni bajaradi. Jigar tanadagi to‘qimalarga quvvat va oziqa moddasi yetkazib beradi. Aks holda bu to‘qimalar halok bo‘ladi.
Uni asrash uchun qaysi kundalik odatlar uni zararlashi haqida bilib olishimiz juda muhim. Quyida jigar faoliyatiga salbiy ta’sir qiluvchi omillarni sanab o‘tamiz.
Juda kech uxlash va ertalab juda kech uyg‘onish.
Peshobni o‘z vaqtida chiqarib yubormaslik.
Juda ko‘p ovqat iste’mol qilish.
Nonushta qilmaslik.
Haddan tashqari ko‘p dori-darmon ichish.
Qo‘shimcha moddalar, ranglangan mahsulotlar, soxta shirinlashtirgichlar iste’mol qilish.
Yog‘li ovqatlar iste’moli. Imkon qadar ovqatlarni yog‘siz iste’mol qilgan ma’qul. Ayniqsa, holdan toyganda, tungi mahalda yog‘li ovqatlarni tanovul qilmang.
Chala pishgan mahsulotlarni iste’mol qilish.
Spirtli ichimliklar iste’mol qilish.
Quyidagi mahsulotlar jigarni xastaliklardan xalos qiladi.
Sarimsoq piyoz
Apelsin, mandarin
Lavlagi va sabzi
Ko‘k choy
Bargli ko‘katlar
Olma
Zaytun yog‘i
Grechixa
Karam, brokkoli kabi krestgulli sabzavotlar
Limon
Yong‘oq
Ma’lumki jigar bir qancha toksinlarni qayta ishlaydi. Buning uchun unga juda ko‘p miqdorda kislorod zarur bo‘ladi. Agar kislorod yetishmovchiligi yuzaga kelsa, jigarning ishlash faoliyati og‘irlashadi. Shu sababli, shifobaxsh kislorodli ko‘pik ichib turing.
Jigarni tozalashda lavlagi ham yordam beradi. Bir necha lavlagi olinadi va po‘stlog‘i tozalanib, lavlagi ezilib pishgunga qadar uzoq vaqt qaynatiladi. Bu suyuqlikni kuniga bir necha marta ikki hafta davomida ichish lozim bo‘ladi.
Makkajo‘xorining po‘pilchalarini choy kabi damlab, ikki-uch hafta davomida suv o‘rnida ichish kerak.
Yangi uzilgan sabzavotlardan tayyorlangan turli xil sharbatlar ham jigar faoliyatini yaxshilashga ta’sir ko‘rsatadi.Sabzi (210 g), petrushka (60 g), selderey (150 g), bunday usulda tayyorlangan sharbatni har kuni, bir oy davomida och nahorga ichish kerak.
Yarim stakan tuzlangan karam suvi va yarim stakan pomidor sharbati bilan aralashtirib, uni ham ikki hafta davomida har kuni ovqatdan keyin ichish lozim.
Manba: sof.uz
