Mutolaa va kitoblar haqida qiziqarli ma’lumotlar
- Eng ommabop yozuvchi Agata Kristi hisoblanadi. Uning detektiv asarlari dunyoning 44 ta tilida nashr qilinadi. Bugungi kungacha yozuvchining kitoblari ikki miliarddan ortiq nusxada chop etilgan.
- Eng ko‘p asar yozgan dramaturg ispaniyalik Lope de Vega sanaladi. Uning 1800 ta pyesasi bor.
- Eng uzun biografiya Uinston Cherchilning hayot tarixi bo‘lib, u 22 jilddan iborat.
- Dunyodagi eng og‘ir vaznli kitob Britaniya muzeyida saqlanadigan geografik atlas hisoblanadi. Uning bo‘yi bir metrdan ortiq, vazni esa 320 kilogramni tashkil qiladi.
- Sekin o‘qishdan ko‘ra tez o‘qish paytida ko‘z kamroq charchaydi.
- Insonlarning 95 foizi juda sekin mutolaa qiladi – daqiqasiga 180 – 220 ta so‘z (bitta sahifani o‘qib chiqish uchun 1,5 – 2 daqiqa sarflanadi).
- Butun dunyodagi odamlar mutolaa uchun o‘rtacha hisobda haftasiga 6,5 soat vaqt sarflaydi.
Mirjalol Madvaliyev tayyorladi.
