“Sony”dan Syurpriz
Yaqinda internet orqali “Sony” kompaniyasi bir nechta qurilmalar ustida ish olib borayotgani haqida xabarlar tarqalgandi. Ularning birinchisi baland ovozli smartfon, ikkinchisi esa ajoyib fotokameraga ega.
Endilikda ikkinchi telefon haqida ma’lumotlar taqdim etildi. Uning nomi Honami. Telefon yozning oxiridayoq taqdim etilishi mumkin. “Sony” smartfonni Cyber-shot brendi ostida sotishni rejalashtirmoqda. Bu haqda Esato portalida xabar tarqatilgan.
Ushbu telefon apparatiga 20 megapikselli kamera o‘rnatiladi. Bundan tashqari 6 dyumli, Full HD lik X-Reality displeyi mavjud. Telefonning yuragi Qualcomm Snapdragon 800 MSM8974 protsessori hisoblanadi. Grafika “masalalari” Adreno 330 ga bog‘liq.
Yangi telefon 2 GB operativ xotiraga ega. Bundan tashqari smartfon chang va tashqi xavflaridan himoyalangan.
