Tibbiy madaniyat – uzoq umr garovi
Bugun mamlakatimizda aholi o‘rtasida sog‘lom turmush tarzini shakllantirish asosiy masalalardan biri hisoblanadi. Ayniqsa, yoshlarni mustaqil hayotga tayyorlash, ularni har jihatdan bilimli yigit-qizlar etib voyaga yetkazish eng oliy maqsadimizdir.
oshkent Moliya institutining “Moliyaviy menejment” hamda “Sug‘urta” fakulteti talabalari uchun “Yosh oilada o‘zaro munosabatlar madaniyati”, “Ma’naviyat – oiladan boshlanadi” hamda “Yaqin qarindosh-urug‘lar o‘rtasidagi nikohning oldini olish va huquqiy javobgarlik” mavzularida davra suhbati o‘tkazildi.
Tadbirda “Sog‘lom avlod uchun” xalqaro xayriya jamg‘armasi Tibbiy-ijtimoiy markaz shifokori Nasiba Gapparova, hamshira Shohista Mahamadjonova, Yunusobod tuman “Oila” markazi rahbari Adiba Kamolovalar «Reproduktiv salomatlik”, “Erta nikohlarning salbiy oqibatlari”, “OIV/OITS – bu nima?” mavzulari yuzasidan talabalarni qiziqtirgan savollarga javob berdilar.
Ayniqsa, zamonaviy multimedia texnologiyalari yordamida mavzuga oid slaydlar va film namoyishi talabalarda katta qiziqish uyg‘otdi.
Umida AGLAYEVA,
Toshkent moliya instituti
