Sportchilarimiz 34 medal bilan umumjamoa hisobida 4-o‘rinda
Ozarbayjon poytaxti Boku shahri mezbonlik qilayotgan IV “Islom birdamlik o‘yinlari” davom etmoqda.
Shu kunga qadar sportchilarimiz 7 oltin, 9 kumush, 18 bronza jami 34 medalni qo‘lga kiritishdi. Ushbu natija bilan atletlarimiz medallar jamg‘arish bo‘yicha umumjamoa hisobida 4-o‘rinni egallab turibdi.
Turkiya terma jamoasi birinchi o‘rinni band etgan bo‘lsa, Ozarbayjon terma jamoasi ikkinchi o‘rinda bormoqda.
Umuman olganda, shu kungacha 18 ta davlat terma jamoalari kamida bitta oltin medalni qo‘lga kiritishdi. 54 ta ishtirokchi davlat jamoalaridan 28 tasi kamida bitta bronza medaliga egalik qilyapti.
T. ORTIQOVA
