Истиқлол бунёдкори
ИИВ Ёнғин хавфсизлиги институтида Ўзбекистон Республикаси Биринчи Президенти Ислом Каримов таваллудининг 80 йиллигига бағишланган маънавий-маърифий тадбир бўлиб ўтди.
Тадбирда сўзга чиққанлар истиқлол йилларида эришилган барча ютуқларни ҳақли равишда Ислом Каримов номи ва фаолияти билан боғлиқлигини, халқни мустабид тузум қарамлигидан озод қилиб, ҳалокат ёққасига келиб қолган юртимизни қайта тиклаганлигини, Буюк йўлбошчимиз ғоят қалтис ва таҳликали бир вазиятда оғир қийинчиликлар ва синовларга қарамай, тарихан қисқа даврда Ўзбекистонни жадал ва барқарор суръатлар билан ривожланаётган замонавий демократик давлатга айлантирганликларини таъкидлаб ўтдилар. Шундан сўнг буюк давлат ва сиёсат арбоби, мустақиллигимиз асосчиси, Ўзбекистон Республикасининг Биринчи Президенти Ислом Каримов ҳаёти ва фаолияти тўғрисида махсус тайёрланган фильм намойиш этилди.
Фарҳоджон ХОЖАЕВ,
ИИВ Ёнғин хавфсизлиги институти ўқитувчиси,
катта лейтенант
