Zamonaviy ziyo maskani
Buxoro davlat universitetining axborot-resurs markazi 493 ming 280 dan ziyod kitob fondiga ega.
Markazda yoshlarning intellektual salohiyatini oshirish uchun barcha sharoit yaratilgan. O‘quv va badiiy adabiyotlar, davriy matbuot nashrlari, elektron qo‘llanmalar talabalar ixtiyorida.
Prezidentimizning 2017 yil 12 yanvardagi “Kitob mahsulotlarini chop etish va tarqatish tizimini rivojlantirish, kitob mutolaasi va kitobxonlik madaniyatini oshirish hamda targ‘ibot qilish bo‘yicha komissiya tuzish to‘g‘risida”gi farmoyishi ijrosi doirasida kitobxonlikni targ‘ib qiluvchi ko‘rik-tanlovlar, ma’naviy-ma’rifiy tadbirlar muntazam tashkil etilmoqda.
Tohir ISTATOV,
O‘zA
