Замонавий зиё маскани
Бухоро давлат университетининг ахборот-ресурс маркази 493 минг 280 дан зиёд китоб фондига эга.
Марказда ёшларнинг интеллектуал салоҳиятини ошириш учун барча шароит яратилган. Ўқув ва бадиий адабиётлар, даврий матбуот нашрлари, электрон қўлланмалар талабалар ихтиёрида.
Президентимизнинг 2017 йил 12 январдаги “Китоб маҳсулотларини чоп этиш ва тарқатиш тизимини ривожлантириш, китоб мутолааси ва китобхонлик маданиятини ошириш ҳамда тарғибот қилиш бўйича комиссия тузиш тўғрисида”ги фармойиши ижроси доирасида китобхонликни тарғиб қилувчи кўрик-танловлар, маънавий-маърифий тадбирлар мунтазам ташкил этилмоқда.
Тоҳир ИСТАТОВ,
ЎзА
