Консерватория фаолияти эътироф этилди
Россия Президентининг халқаро маданий ҳамкорлик бўйича махсус вакили Михаил Швидкой Ўзбекистон давлат консерваторияси фаолиятига юқори баҳо берди, деб хабар бермоқда Республика Маданият вазирлиги матбуот хизмати.
Москвалик меҳмон Ўзбекистон маданият вазири Маҳмуд Муратов билан бўлган учрашувда маданият ва санъат соҳалардаги ҳамкорликни янада фаоллаштириш бўйича сўз юритди. У шунингдек, Ўзбекистон ва Россия ҳудудларида қўшма маданий тадбирлар муваффақиятли ўтказилаётганини қайд этди. Томонлар яқин келажакда маданий-гуманитар муносабатларни янада яхшилашга келишиб олдилар.
