Konservatoriya faoliyati e’tirof etildi
Rossiya Prezidentining xalqaro madaniy hamkorlik bo‘yicha maxsus vakili Mixail Shvidkoy O‘zbekiston davlat konservatoriyasi faoliyatiga yuqori baho berdi, deb xabar bermoqda Respublika Madaniyat vazirligi matbuot xizmati.
Moskvalik mehmon O‘zbekiston madaniyat vaziri Mahmud Muratov bilan bo‘lgan uchrashuvda madaniyat va san’at sohalardagi hamkorlikni yanada faollashtirish bo‘yicha so‘z yuritdi. U shuningdek, O‘zbekiston va Rossiya hududlarida qo‘shma madaniy tadbirlar muvaffaqiyatli o‘tkazilayotganini qayd etdi. Tomonlar yaqin kelajakda madaniy-gumanitar munosabatlarni yanada yaxshilashga kelishib oldilar.
