O‘zbekiston va Qozog‘iston yangi yo‘l bilan tutashadi
O‘zbekiston va Qozog‘iston hukumatlari “Beyneu – Akjigit – O‘zbekiston chegarasi” avtomobil yo‘li loyihasi, shuningdek, mintaqa mamlakatlarining xalqaro dengiz kommunikatsiyalari va salohiyatli bozorlarga muqobil chiqishini ta’minlaydigan boshqa qo‘shma loyihalarning tez orada amalga oshishidan o‘zaro manfaatdor ekanliklarini bildirdilar.
Hozirda mazkur yo‘lni rekonstruksiya qilish va uni O‘zbekistonning Qoraqalpog‘iston Respublikasidagi xalqaro avtomobil yo‘li bilan tutashtirish borasida katta loyihani amalga oshirish rejalashtirilmoqda.
