Nafis sport turi qizlar o‘rtasida ommalashmoqda
Urganch shahrining Yoshlik massivida joylashgan zamonaviy sport majmuasi badiiy gimnastikaga ixtisoslashgan bo‘lib, 270 ga yaqin qiz nafis sport turi bo‘yicha mahorat sirlarini egallamoqda.
– Jismoniy tarbiya, musiqa va xoreografiyani o‘zida uyg‘unlashtirgan badiiy gimnastika qizlar orasida ommalashib bormoqda, — deydi murabbiya Gulyor Qodirova. — Hozirda mashg‘ulotlarimizga 5 yoshdan 15 yoshgacha bo‘lgan qizlar jalb qilingan. Ayni paytda shogirdlarimiz joriy yil iyun oyida Toshkent shahrida o‘tkaziladigan respublika musobaqasiga qizg‘in tayyorgarlik ko‘rmoqda.
Shonazar QORIYEV,
O‘zA
