Kollej o‘quvchilari doimiy ish o‘rniga ega
Buxoro viloyati Kogon tumanidagi maishiy xizmat kasb-hunar kollejida yoshlar o‘z tanlagan sohasi bo‘yicha puxta bilim olishi, zarur ko‘nikmalarni egallashi, malakali mutaxassis bo‘lib yetishishi uchun barcha sharoit yaratilgan.
Ta’lim maskanida 480 o‘quvchi yengil sanoat buyumlari konstruksiyasini ishlash texnologiyasi, kompyuter injiniringi texnigi, yer usti transport tizimlari va ulardan foydalanish, xizmat texnikasi va texnologiyasi, buxgalteriya, elektr energetikasi yo‘nalishlari bo‘yicha tahsil olmoqda.
Joriy o‘quv yilida kollejni 169 o‘quvchi tamomlaydi. Tegishli korxona va tashkilotlar bilan tuzilayotgan to‘rt tomonlama shartnomaga muvofiq bitiruvchilar ta’limdan so‘ng doimiy ish o‘rniga ega bo‘ladi.
O‘zA
