Mehnat qilgan elda aziz
Andijon viloyati Oltinko‘l tumanidagi Cho‘ntak mahallasida yashovchi Shuhratoy Umarova oilasi tomorqadan samarali foydalanadi.
–Uch yarim sotixli maydonda issiqxona barpo etganmiz, – deydi Shuhratoy opa. – Shu kunlarda kuzda ekilgan sarimsoq piyozni bozorga chiqarayapmiz. Bo‘shagan yerga pomidor ko‘chati, uning ostiga rezavor ko‘katlar urug‘i qadaymiz. Shu tariqa issiqxonamizdan yiliga ikki-uch marta hosil ko‘tarib, 15 million so‘mgacha daromad olmoqdamiz. Mehnatimiz mahsuli oilamiz farovonligini ta’minlashga xizmat qilmoqda.
Z.UMURZOQOV,
O‘zA muxbiri
