Ясмина «Capital Cup – 2017» халқаро турнири ғолиби
Ёш теннисчимиз Ясмина Каримжонова Қозоғистонда ўтказилган «Capital Cup – 2017» халқаро турнирида икки бор шоҳсупанинг энг юқори поғонасига кўтарилди.
Яккалик баҳсларида биринчи рақамда сараланган Я.Каримжонова россиялик Ксения Шиканова, қозоғистонлик Анастасия Шарапова, Анастасия Астахова ҳамда ўзбекистонлик Милана Масленковани мағлуб этиб, ҳал қилувчи баҳсда қатнашиш ҳуқуқини қўлга киритди. Ясмина финалда мезбонлар вакили Дарья Детковскаяни 6:3, 6:4 ҳисобида енгиб, мусобақанинг бош совринини қўлга киритди.
Я.Каримжонова ҳамда Д.Детковская жуфтлик беллашувларида ҳамкорликда ўйнаб, финалда россиялик Ирина Бабкова ҳамда Мая Горбуновани 6:3, 6:4 ҳисобида мағлубиятга учратди.
Н.Норбобоев
