O‘zbekiston va Rossiya onkologiya ilmiy markazlari o‘zaro memorandum imzoladi
O‘zbekiston onkologiya ilmiy markazi va Bloxin nomidagi Rossiya onkologiya ilmiy markazi o‘rtasida hamkorlikni kengaytirishga bag‘ishlangan tadbir bo‘lib o‘tdi.
Unda Rossiya onkologiya ilmiy markazi va O‘zbekiston onkologiya ilmiy markazi o‘rtasida o‘zaro anglashuv memorandumi imzolandi. Tadbir doirasida onkologik kasalliklar bilan kurashish bo‘yicha ilmiy, amaliy va uslubiy hamkorlikni kengaytirish, mutaxassislarning malakasini oshirish, ilm-fan yutuqlarini ommalashtirish, tibbiy xizmatni rivojlantirish bo‘yicha qator tadbirlar rejalashtirilgan.
