“O‘zbeknavo” estarada birlashmasiga Bosh direktor o‘rinbosari tayinlandi
Kuni kecha “O‘zbeknavo” estrada birlashmasida O‘zbekiston Respublikasi Madaniyat va sport ishlari vaziri raisligida navbatdan tashqari yig‘ilish tashkil etildi. Bu haqda birlashma saytida ma’lumot berilgan.
“O‘zbeknavo” estrada birlashmasi Bosh direktori o‘rinbosari M. Madjidov O‘zbekiston Respublikasi Vazirlar Mahkamasining Yoshlar siyosati, madaniyat, axborot tizimlari va telekommunikatsiyalari axborot-tahlil departamenti, Madaniyat va san’at masalalari sektori madaniy-ommaviy tadbirlar, estrada-konsert faoliyati masalalari bo‘yicha Bosh mutaxassisi lavozimiga o‘tganligi munosabati bilan Birlashmaga yangi o‘rinbosar tayinlandi.
Bosh direktor o‘rinbosari lavozimiga Konsert-tomosha faoliyatini tashkil etish boshqarmasi boshlig‘i Q. Yuldashev, Konsert-tomosha faoliyatini tashkil etish boshqarmasi boshlig‘i lavozimiga E. Hakimov, Konsert-tomosha faoliyatini tashkil etish boshqarmasi boshlig‘i o‘rinbosari lavozimiga Yo. Ernazarovlar tayinlandi.
