Ўзбекистонда 3 та янги телеканал ишга тушади
Тез орада Ўзбекистонда учта янги телеканал фаолиятини бошлайди. Бу ҳақда Ўзбекистон электрон оммавий ахборот воситалари миллий ассоциацияси раиси Фирдавс Абдухолиқов маълум қилди.
Ўзбекистон Республикаси Президенти Шавкат Мирзиёев “2017–2021-йилларда Ўзбекистон Республикасини ривожлантиришнинг бешта устувор йўналишлари бўйича ҳаракатлар стратегияси” лойиҳасининг жамоатчилик муҳокамасига бағишланган медиа-ҳафталикнинг очилиш маросимида “Зўр ТВ”, “Футбол ТВ”, “Караван ТВ” телеканаллари иш бошлаш арафасида турганини айтди. Телеканаллар эфири юқори сифатли HD форматда бўлиши кўзда тутилган.
