Buxoroda o‘tkazilgan mehnat yarmarkasida 318 kishi ish bilan ta’minlandi
Buxoroda “Bizning o‘z kasbimiz va hunarimiz bor. Kasb-korimiz bilan yurt taraqqiyotiga xizmat qilamiz!” shiori ostida mehnat yarmarkasi bo‘lib o‘tdi.
Buxoro viloyati hokimligi, prokuratura va viloyat mehnat bosh boshqarmasi hamkorligida tashkil etilgan yarmarkada 360 ta korxona, tashkilot va muassasa 3 ming 349 ta bo‘sh ish o‘rni bilan qatnashdi. Yarmarkada 318 nafar ishtirokchiga ishga yo‘llanma berildi. 501 nafar fuqaro mehnat qonunchiligi bo‘yicha huquqiy maslahat oldi.
