Бухорода ўтказилган меҳнат ярмаркасида 318 киши иш билан таъминланди
Бухорода “Бизнинг ўз касбимиз ва ҳунаримиз бор. Касб-коримиз билан юрт тараққиётига хизмат қиламиз!” шиори остида меҳнат ярмаркаси бўлиб ўтди.
Бухоро вилояти ҳокимлиги, прокуратура ва вилоят меҳнат бош бошқармаси ҳамкорлигида ташкил этилган ярмаркада 360 та корхона, ташкилот ва муассаса 3 минг 349 та бўш иш ўрни билан қатнашди. Ярмаркада 318 нафар иштирокчига ишга йўлланма берилди. 501 нафар фуқаро меҳнат қонунчилиги бўйича ҳуқуқий маслаҳат олди.
