Энди тишларни пломбасиз даволаш мумкин
Энди тишларнинг шикастланган жойларини мустақил тарзда қайта тиклаш орқали пломбалардан фойдаланишга чек қўйиш мумкин.
Лондондаги Қироллик коллежи жамоаси тидеглусиб кимёвий моддаси сичқонларнинг тиш пульпасидаги ҳужайраларни ва тишдаги кичик тешикларни мустақил равишда даволашга мажбур қила олишини аниқлади. Тадқиқотда ушбу усул тўлиқ ва самарали табиий тикланишга олиб келиши таъкидланган.
Тишларда регенерация (тикланиш) қобилияти чекланган бўлади. Агар ички тиш пульпаси очилиб қолса, одам организми қалин тиш тўқимаси – дентин (бевосита эмал остидаги қатлам)дан ингичка тасма ярата олади. Аммо катта тешикларни бундай тарзда даволаб бўлмайди.
Тидесглусиб препарати тиш пульпасидаги тана ҳужайралари фаоллигини кучайтиради. Препаратга ботирилган эрувчан ғоваксимон губка тишнинг шикастланган қисмига қўйилиб, устидан ҳимоя қопламаси сурилганда у парчаланиб боради ва ўрнини дентин тўлдиради.
Х. ҲУСЕНОВА
