Bokschilarimiz umumjamoa hisobida birinchi bo‘lishdi
Boks bo‘yicha O‘zbekiston terma jamoasi a’zolari Latviyaning Riga shahrida o‘tkazilgan “Riga Open – 2016” xalqaro turnirida 4 ta oltin va 1 ta kumush medalni qo‘lga kiritdi.
Dunyoning o‘ndan ziyod mamlakatidan 150 ga yaqin bokschi g‘oliblik uchun kurash olib borgan turnirda mamlakatimiz sharafini Sirojiddin G‘ulomjonov, Abdulhay Shorahmatov, Elnur Abduraimov, Mahmud G‘oipov va Bahodir Jalolov munosib himoya qildi.
O‘zining yuksak texnika va mustahkam himoyasiga ega bo‘lgan iqtidorli bokschimiz Elnur Abduraimov mutaxassislar tomonidan “Riga Open – 2016” turnirining “Eng yaxshi bokschisi” deya e’tirof etildi.
T. ORTIQOVA
