XABARLAR, YANGILIKLAR, VOQEALAR (2013-8)
- O‘zbekiston Respublikasi Prezidenti Islom Karimov 19 fevral kuni Oqsaroyda Amerika Qo‘shma Shtatlari Kongressi Vakillar palatasining Yevropa va Yevroosiyo bo‘yicha quyi qo‘mitasi raisi Deyna Rorabaxer hamda kongressmenlar Pol Kuk, Ted Po va Brayan Xigginsdan iborat delegatsiyani qabul qildi.
- Samarqand viloyati Adliya boshqarmasida “Tadbirkorlik faoliyati sohasidagi ruxsat berish tartib-taomillari to‘g‘risida”gi O‘zbekiston Respublikasi qonuni mazmun-mohiyatiga bag‘ishlangan seminar o‘tkazildi.
- Andijon viloyati Sog‘liqni saqlash boshqarmasi tomonidan barcha tuman va shaharlarda “Salomatlik haftaligi” tadbirlari o‘tkazilmoqda.
- Termiz shahrida “Bank kreditlarining oilaviy tadbirkorlik va milliy hunarmandchilikni rivojlantirishdagi ahamiyati” mavzuiga bag‘ishlangan seminar bo‘lib o‘tdi.
- Urganch tibbiyot kollejida O‘zbekiston Xalq demokratik partiyasi Xorazm viloyati kengashi, viloyat xotin-qizlar qo‘mitasi, “Sog‘lom avlod uchun” xalqro xayriya jamg‘armasi bilan hamkorlikda “Mustahkam oila – obod turmush garovi” mavzusida seminar o‘tkazildi.
- Navoiy shahridagi Yoshlar markazida O‘zbekiston Badiiy akademiyasi va Badiiy ijodkorlar uyushmasi tomonidan “Ilhom dunyosi” deb nomlangan ko‘chma ko‘rgazma ochildi.
O‘zA materiallari asosida tayyorlandi.
