Chipga o‘rnatilgan yurak yaratildi
Garvard universiteti tadqiqotchilari 3D-printer yordamida birinchi chipga o‘rnatilgan yurak yaratishdi.
Bu qurilma hayvonlardan olingan tirik to‘qimalardan foydalanmagan holda tajribalar o‘tkazishga imkon beradi.
Bosma a’zo yurak to‘qimasining tuzilishi va funksiyalarini qaytarish uchun yarim shaffof qayishqoq polimer materialdan tayyorlangan. Loyiha uchun 6 ta rangdagi maxsus siyohlar yaratilgan, ular yordamida sun’iy yurakka mikroskopik datchiklar o‘rnatish mumkin. Datchiklar chipga turli dori vositalari ta’sir qilganda uning urishini qayd qila oladi.
