Шаурма
Керакли маҳсулотлар: 150 гр. мол гўшти, 80 гр. карам, 1 дона сабзи, 80 гр. сметана, 2 ош қошиқ кетчуп, 2 ош қошиқ мойонез, 1 чой қошиқ ўсимлик ёғи, 1 дона лаваш хамири, кўкпиёз, кўкатлар ва таъбга кўра туз.
Тайёрланиши: шаурма ичига солинадаиган масаллиқ учун карамни қаламча шаклида тўғраб, сабзини эса йирикроқ қирғичдан чиқарилади. Кўкпиёз ва кўкатларни майдалаб тўғраб, ўсимлик ёғи ва туз билан аралаштиралади. Газ печида пишириб олинган гўштни майда сомонча шаклида тўғралади, сўнгра соус учун кетчуп ва майонезни аралаштириб олинади. Лаваш хамири ёйилгач устидан дастлаб соус, кейин масаллиқлар ёйиб чиқилади. Сўнгра соус қуйилиб, хамир ўралгач, микротўлқинли печда 15 дақиқа давомида пишириб олинади.
Ёқимли иштаҳа!
БЕГОЙИМ
