Yosh iste’dodlar tanlovi
Samarqandda “Kamalak” yulduzlari” bolalar ijodiyoti festivalining viloyat bosqichi bo‘lib o‘tdi.
“Kamolot” yoshlar ijtimoiy harakati viloyat kengashi hamda “Kamalak” bolalar tashkiloti tomonidan bir qator tashkilotlar hamkorligida tashkil etilgan festivalda mamlakatimizda yosh avlodning sog‘lom va barkamol ulg‘ayishi, iste’dod va salohiyatini namoyon etishi uchun keng imkoniyatlar yaratilayotgani ta’kidlandi.
An’anaviy tarzda o‘tkazib kelinayotgan “Kamalak” yulduzlari” festivali ham bolalarning ma’naviy olamini boyitish, musiqa, san’at va adabiyotga qiziqishini oshirish, yosh iste’dod sohiblarini aniqlash va qo‘llab-quvvatlashga xizmat qilmoqda.
Tanlov yakunida barcha yo‘nalishlar bo‘yicha g‘olib va sovrindorlar aniqlanib, tashkilotchilarning diplom va esdalik sovg‘alari bilan taqdirlandi.
Aktam BERDANOV,
Samarqand viloyati
