7 kun davomida
Poytaxtimizda X Xalqaro sanoat yarmarkasi va Kooperatsiya birjasi boshlandi. Xalqaro sanoat yarmarkasi va Kooperatsiya birjasida mamlakatimizning barcha tarmoqlari va yetakchi korxonalari ishtirok etmoqda.
Koreya Respublikasida O‘zbekiston Respublikasi madaniyati haftaligi boshlandi. O‘zbekiston bilan Janubiy Koreya o‘rtasidagi hamkorlikni yanada rivojlantirish, mamlakatimizda madaniyat, fan-ta’lim, sayyohlik kabi sohalarda amalga oshirilayotgan va erishilayotgan yutuqlarni keng targ‘ib etishga bag‘ishlangan ushbu tadbir O‘zbekiston Respublikasining Koreya Respublikasidagi elchixonasi va Seul milliy universitetining Osiyo markazi hamkorligida tashkil etildi.
Nukusda “Bolalarning texnik ijodkorligi” festivali bo‘lib o‘tdi. Mazkur festivalda 85 yosh ijodkor 7 yo‘nalish bo‘yicha o‘z ijod namunalari bilan ishtirok etdi. Avtomodel, avia va raketamodel, kemasozlik yo‘nalishlarida taqdim etilgan ijodiy ishlar ko‘pchilikda katta qiziqish uyg‘otdi.
“Sog‘lom avlod” muxbirlari xabarlari asosida tayyorlandi
