Bayramga tuhfa
Yaqinda Samarqand viloyati, Pastdarg‘om tumanida Go‘zalkent yoshlar istirohat bog‘i foydalanishga topshirildi.
Hududda 2 ming 500 o‘rinli zamonaviy amfiteatr, rangli favvora, mo‘jaz suv havzasi, muzqaymoq paviloni qurildi. Alohida irrigatsiya tizimi yaratildi. Zamonaviy yoritish chiroqlari va illyuminatsiya vositalari o‘rnatildi. 500 tupdan ziyod noyob daraxt ko‘chatlari va butalar ekildi. Aholining sevimli hordiq maskani bo‘lgan bu yer, ayniqsa, tunda kattayu kichik bilan gavjum bo‘ladi. Ota-onalar farzandlari bilan sayr qilib, shunday go‘zal va betakror, tinch va osoyishta yurtda yashayotganiga shukrona aytmoqda.
