Байрамга туҳфа
Яқинда Самарқанд вилояти, Пастдарғом туманида Гўзалкент ёшлар истироҳат боғи фойдаланишга топширилди.
Ҳудудда 2 минг 500 ўринли замонавий амфитеатр, рангли фаввора, мўъжаз сув ҳавзаси, музқаймоқ павильони қурилди. Алоҳида ирригация тизими яратилди. Замонавий ёритиш чироқлари ва иллюминация воситалари ўрнатилди. 500 тупдан зиёд ноёб дарахт кўчатлари ва буталар экилди. Аҳолининг севимли ҳордиқ маскани бўлган бу ер, айниқса, тунда каттаю кичик билан гавжум бўлади. Ота-оналар фарзандлари билан сайр қилиб, шундай гўзал ва бетакрор, тинч ва осойишта юртда яшаётганига шукрона айтмоқда.
