Robot-menejer ishga olindi
Britaniya kompaniyasi menejer lavozimiga robotni tayinladi. Bu haqida uni yaratgan Birmingem universiteti rasmiy saytida ma’lum qilindi.
Betti ismli yangi xodim sinov muddati bilan ishga olindi. U ofisdagi xodimlar stollaridagi tartib, xonadagi harorat va shovqin darajasini kuzatib boradi.
Robot ofisning xodimlari va mehmonlarini do‘stona kutib olish va kuzatish imkoniyati bilan ta’minlandi. Bundan tashqari, u ish kuni tugagandan so‘ng ofisda qoladigan ishchilarni ham qayd qiladi.
