Робот-менежер ишга олинди
Британия компанияси менежер лавозимига роботни тайинлади. Бу ҳақида уни яратган Бирмингем университети расмий сайтида маълум қилинди.
Бетти исмли янги ходим синов муддати билан ишга олинди. У офисдаги ходимлар столларидаги тартиб, хонадаги ҳарорат ва шовқин даражасини кузатиб боради.
Робот офиснинг ходимлари ва меҳмонларини дўстона кутиб олиш ва кузатиш имконияти билан таъминланди. Бундан ташқари, у иш куни тугагандан сўнг офисда қоладиган ишчиларни ҳам қайд қилади.
