Nazariya va amaliyot taqdimoti

Toshkent viloyati, O‘rta Chirchiq tumanida o‘tkazilgan “Yil tarbiyachisi – 2016” ko‘rik-tanlovining viloyat bosqichida 15 nafar maktabgacha ta’lim muassasasi tarbiyachisi o‘zaro bellashdi.

Tanlovda ishtirokchilar 4 shart bo‘yicha bilim va iste’dodini namoyish etdi. Tarbiyachilarning o‘zlari yasagan didaktik materiallari taqdimoti hamda ularning ertak, hikoya va masallardan parcha ijro etish mahorati yig‘ilganlarda katta taassurot qoldirdi.

Yakunda Zangiota tumanidagi 4-sonli maktabgacha ta’lim muassasasi tarbiyachisi Nigora Rahimova birinchi o‘rinni egalladi va tanlovning mamlakat bosqichiga yo‘llanma oldi.

Faol ishtirokchilarga maxsus nominatsiyalar bo‘yicha diplom va esdalik sovg‘alari topshirildi.

Dilorom TOJIBOYEVA