ЭНГ ЯХШИ ЭЛЕКТРОН АХБОРОТ-ТАЪЛИМ РЕСУРСЛАРИ
Халқ таълими вазирлиги, Республика таълим маркази, Мултимедиа ва умумтаълим дастурларини ривожлантириш маркази томонидан “Энг яхши электрон ахборот-таълим ресурслари” республика кўрик-танловининг якуний босқичи бўлиб ўтди.
Танловни ўтказишдан мақсад Ўзбекистон Республикаси Вазирлар Маҳкамасининг 2002 йил 6 июндаги “Компютерлаштиришни янада ривожлантириш ва ахборот-коммуникация технологияларини жорий этиш чора-тадбирлари тўғрисида”ги қарори ҳамда халқ таълими тизимидаги педагог ходимлар орасидан илғор, ташаббускор, ижодкор, истеъдодлиларни аниқлашдан иборат. Шунингдек, ёшларни баркамол шахслар этиб тарбиялаётган, ўқув жараёнида замонавий ахборот-коммуникация ва педагогик технологияларни самарали қўллаётган педагогларнинг ижодий фаоллигини ошириш, туман (шаҳар), вилоят, республика миқёсида фидойи, юксак касб маҳоратига эга бўлган энг яхши иқтидорли ўқитувчиларни қўллаб-қувватлаш, аниқланган илғор тажрибаларни оммалаштириш мақсадидаги ушбу кўрик-танлов илғор соҳа эгаларини кашф этди.
Шавкат ХЎЖАҚУЛОВ,
Ўзбекистон Республикаси Халқ таълими вазирлиги, матбуот ва ахборот хизмати ходими
