Ҳам велосипед, ҳам автомобиль
Микаел Кьелман автомобиль ҳамда велосипед гибриди бўлган “PodRide”ни ихтиро қилди.
“PodRide” корпусга эга тўрт ғилдиракли велосипед бўлиб, бу жиҳат уни бир ўринли автомобилга ўхшаш бўлишини таъминлайди. Корпус ҳайдовчини ноқулай об-ҳаво шароитидан асрайди.
Веломобиль педаллар ёрдамида ҳаракатланади, бундан ташқари, электр двигатель билан таъминланган. Кьелманнинг ўзи қурилмасини шинам ва хавфсиз велосипед деб атайди. Унинг айтишича, “PodRide” соатига 60 километр тезликда ҳаракатланиши мумкин, шунингдек, ҳақиқий автомобиль каби кенг юкхонага эга.
