СУРАТЛАРДА ЯПОНИЯ ТАСВИРИ
ТОШКЕНТ ФОТОСУРАТЛАР УЙИДА ИСКАНДАР СОДИҚЗОДАНИНГ “ЯПОНИЯГА ТАШРИФ” НОМЛИ ШАХСИЙ ФОТОКЎРГАЗМАСИ ОЧИЛДИ.
Кўргазма очилишида Ўзбекистон Япония ўртасидаги ўзаро дўстлик ва ҳамкорлик алоқалари изчил ривожланиб бораётгани, маданий-маърифий алоқалар уни янада мустаҳкамлашга хизмат қилаётгани таъкидланди.
Искандар Содиқзода мамлакатимизда ва хорижда ташкил этилган кўплаб биеннале, танлов ва кўргазмаларнинг фаол қатнашчисидир. Ижодкор 2015 йилда Японияда бўлиб ўтган халқаро фестивалда “Шаҳардаги энг севимли жой” мавзусидаги асари билан қатнашиб, фахрли ўринни қўлга киритди. Японияга саёҳати ҳақида туркум фотоасарлар яратди.
Кўргазма доирасида Тошкент Фотосуратлар уйининг ижодий фотография мактаб-студияси битирувчиларининг асарлари ҳам намойиш этилмоқда.
Т. ОРТИҚОВА
