Nogironlik muddatsiz tayinlanishi mumkinmi?
Nogironlik guruhining muddatsiz belgilanishi haqida eshitgandim. Kimlarga va qanday hollarda nogironlik muddatsiz tayinlanishi mumkin?
O.VOSIQOVA,
Toshkent shahar Yunusobod tumani
O‘zbekiston Respublikasi Vazirlar Mahkamasining “Tibbiy-mehnat ekspertiza xizmati boshqarish tuzilmasini va faoliyatini tashkil etishni takomillashtirish chora tadbirlari to‘g‘risida”gi 175-sonli Qarorida nogironlik guruhi muddatsiz belgilanadigan fuqarolar xususida to‘xtalib o‘tilgan.
Bunga binoan:
– 60 yoshdan katta nogiron erkaklar va 55 yoshdan katta nogiron ayollar;
– Hamda keyingi 5 yil va undan ortiq yil mobaynida nogironlikning birinchi yoki ikkinchi guruhi belgilangan, 5 yil mobaynida davolash – profilaktika muassasalarida to‘liq dispanser ko‘rigidan o‘tgan, reabilitatsiya dasturlari bajarilgan, shuningdek, reabilitatsiyaning barcha turlari istiqbolsiz bo‘lgan, tiklanmaydigan anatomik – funksional buzilishlar yoki zo‘rayuvchi kasalliklarga duchor bo‘lgan nogironlar;
– Shuningdek, oxirgi 7 yil mobaynida nogironlik guruhi o‘zgarmagan nogironlariga nogironlik guruhi muddatsiz tayinlanishi belgilangan.
Hosiyat ISAYEVA,
Poytaxtimizdagi Chilonzor tumanidagi 5-sonli DNI notariusi
