“LAZZAT” ShO‘RVASI
Zarur mahsulotlar: 150 gr. yasmiq, 20 gr. un, 300 gr. qatiq, 1 dona tuxum, 1 dona limon sharbati, 3, 5 stakan suv, 10 gr. zaytun yog‘i, 40 gr. ugra, 5 gr. quritilgan yalpiz, shivit.
Tayyorlanishi: Yasmiq (marjumak)ni qaynatib oling. Un, qatiq, tuxum, limon sharbatini 0, 5 stakan sovuq suvga aralashtiring. Boshqa idishda 3 stakan suvni qaynating, qatiqli aralashmani qaynagan suvga asta-sekin qo‘shing, uni qaynagunga qadar kavlab turing. So‘ngra unga yasmiq va ugrani qo‘shing. Tovadagi zaytun yog‘ida yalpizni qovurib, sho‘rvaga soling. Tuz ta’bga ko‘ra solinadi. Shivit sepilgach, taomni dasturxonga tortishingiz mumkin.
