ЁШ МЕРГАНЛАР БАҲСИ
Наманганда ёшлар ўртасида пневматик қуролдан ўқ отиш бўйича республика кубоги баҳслари бўлиб ўтди.
Тўрт кун давом этган мусобақада ўғил болалар ўртасидаги ҳаво милтиғидан ўқ отиш баҳсларида самарқандлик Умид Пардаевга тенг келадиган рақиб топилмади. Андижонлик Иззат Юсупов иккинчи, Тошкент вилояти вакили Суҳроб Мирзажонов учинчи ўринни эгаллади. Қизлар ўртасида ҳаво милтиғидан ўқ отишда наманганлик Ангелина Себова ғолиблик шоҳсупасининг энг юқори поғонасини эгаллади. Фарғона вилоятидан Марина Меркулова иккинчи, андижонлик Юлия Кондрашова учинчи ўринга муносиб кўрилди.
Ўзбекистон кубогининг якуний натижаларига кўра, умумжамоа ҳисобида Андижон вилояти жамоаси бош совринни қўлга киритди. Наманганлик мерганлар иккинчи, Тошкент вилояти вакиллари учинчи ўринни эгаллади.
Т.ОРТИҚОВА
