PISHLOQLI DO‘LMA
Zarur mahsulotlar: 450 gr. go‘sht, 350 gr. qo‘ziqorin, 8 bo‘lak yumshoq pishloq, 2 ta yirik bulg‘or qalampiri, 1 bosh piyoz, 8 osh qoshiq suv, 2 osh qoshiq sariyog‘, o‘simlik yog‘i, tuz.
Tayyorlanishi: Piyozni halqa shaklida to‘g‘rab, qizdirilgan sariyog‘da qovuramiz. So‘ngra bo‘laklangan qo‘ziqorinlarni solib, 10 daqiqa qovurgach, tuz sepib, past olovda 5 daqiqaga dimlaymiz. Go‘shtni yupqalab, uzunchoq qilib to‘g‘rab ziravorlar sepamiz. So‘ngra qizdirilgan o‘simlik yog‘ida qovuramiz. Bulg‘or qalampirini ikkiga bo‘lib, urug‘laridan tozalaymiz. Yog‘langan toblama qolipiga joylashtiramiz. Avvaliga har biri ichiga pishloq bo‘lagini joylab, keyin qovurilgan go‘sht va qo‘ziqorinlarni solamiz-da, pishloq bo‘lagi bilan yopamiz. 190 darajada qizdirilgan gaz pechida 30 daqiqa pishiramiz.
Yoqimli ishtaha!
GULOYIM
