ШИФОБАХШ ОЛЧА
Халқ табобатида олча суви бронхит, трахеит ва юқори нафас йўлларининг яллиғланишида балғам кўчирувчи, иситмани туширувчи восита сифатида тавсия этилади. Шунингдек, олча иштаҳани ҳам очади.
Олча меваларида глюкоза, фруктоза, сахароза, клетчатка, пектин, оқсил моддалари ва ёғлар бор. Шунингдек, унда кўпгина витамин А, В1, С, РР ҳамда калий, кальций, магний, натрий, темир, йод, марганец сингари қатор микроунсурлар мавжуд.
Замонавий тиббиётда олчадан турли яллиғланишларга қарши таъсир кўрсатадиган антисептик, анемия (камқонлик) ва склерозга қарши восита тариқасида фойдаланилади. Бу мева таркибидаги кумаринлар ва оксикумаринлар қон ивувчанлиги кўпайиб кетганда ажойиб самара беради. Шу жиҳатдан олча миокард инфарктини бошдан кечирган одамларга фойдали. Унинг меваларида буриштирувчи таъсир кўрсатадиган ва ичакдан заҳарли моддалар сўрилишини камайтирадиган пектин моддаси бор. Олча меваси чанқоқни босади, овқат ҳазмини яхшилайди, ични юмшатади. Уруғидан тайёрланган эмульсия пешоб-тош касаллиги, сурункали колит (қабзият), ичак атонияси (таранглигини бўшашиб қолиши)ни даволашда ишлатилади.
Дилноза РОЗИҚОВА
