Kulgu-shifo (2015-28)
– To‘ydan oldin qanaqa va’dalar bergan edingiz? – deb nozlanib so‘radi xotin.
Er o‘ylab ham o‘tirmay, dadil javob qaytardi:
– Va’dalarim esimda: osmondagi yulduzlarni olib beraman, oyni, hatto, quyoshni ham olib kaftingga tutqazaman, deganman. Lekin har bir to‘yda yangi ko‘ylak olib beraman, demaganman.
***
– Do‘xtir, menga qo‘ygan tishingiz tinmay og‘riyapti.
– Juda yaxshi-da! Bu – men qo‘ygan tishning haqiqiy tishdan hech qanday farqi yo‘qligini bildiradi.
***
Tibbiyot institutida talaba imtihon topshiryapti.
– Ayting-chi, insonda eng oxiri qanday tish paydo bo‘ladi?
– Yasama tish!…
