DENIS ISTOMIN – NOTTINGEM CHEMPIONI!
Buyuk Britaniyaning Nottengem shahrida Professional tennischilar uyushmasi – ATR turkumiga kiruvchi “Aegon Nottingham Open – 2015” xalqaro turniri yakunlandi. Unda hamyurtimiz Denis Istomin yuksak saviyada o‘yin namoyish etib, bosh sovrinni qo‘lga kiritdi.
U musobaqada ispaniyalik Nikolas Almagro, argentinalik Xuan Monako, ukrainalik Sergey Staxovskiy, argentinalik Lnonardo Mayer hamda kiprlik Markos Bagdatisni mag‘lubiyatga uchratib, finalga yo‘l oldi. Hal qiluvchi bahsda AQSH vakili Sem Kuerrini har ikkala setda 7:6 hisobida yengib, musobaqa g‘olibiga aylandi.
Denis Istomin shu kunga qadar “Chellenjer”, “Fyuchers” va ATR tasnifiga kiruvchi nufuzli musobaqalarda o‘ndan ziyod g‘alabalarni qo‘lga kiritgan.
Nilufar HUSANOVA
